Këshilli Kantonal i Lucernit ka zgjedhur shqiptaren e Kosovës, Ylfete Fanaj, kryetare të këtij këshilli për vitin 2020/2021.
Me 3925 vota të mbledhura nga banorët me të drejtë vote të qytetit të Lucernit, ajo ka fituar të drejtën të përfaqësojë elektoratin dhe partinë e saj (socialdemokrate) në Parlamentin e Kantonit të Lucernit. Ky hap e bën Ylfeten shqiptaren e parë të Zvicrës që ka mbërritur në këtë shkallë.
Fadil Çitaku, nga Akademia e Shkencave të Lidershipit në Zvicër, komentoi këtë arritje në një lidhje direkte me “Ditari” në A2: “Është një arritje jashtëzakonisht e madhe që një emigrante të udhëheqë Parlamentin e Lucernit, që është konservator. Ky është tregues premtues për të gjithë politikëbërësit e diasporës”.