Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Zgjedhjet e 14 Majit, Celibashi kërkon ndryshimin e Kodit për aktivitetet e ndaluara

Nga A2 CNN
30 Janar 2023, 15:53 | Politikë
Zgjedhjet e 14 Majit, Celibashi kërkon ndryshimin e Kodit për

Komisioneri Shtetëror i Zgjedhjeve kërkon amendimin e Kodit Zgjedhor për ndalimin e shfrytëzimit të aseteve publike në fushatë zgjedhore. Gjatë një aktivitetit të organizuar nga shoqata “Qendresa Qytetare” kreu i KQZ u shpreh se parashikimet aktuale për aktivitetet publike të ndaluara duhet të saktësohen që të jenë më të zbatueshme.

Shfrytëzimi i aseteve publike vijon të jetë shqetësim në fushatat zgjedhore. Për këtë, Ilirjan Celibashi kërkoi publikisht nga parlamenti që të adresojë më mirë në Kodin Zgjedhore aktivitetet e ndaluara për institucionet publike gjatë proceseve elektorale.

“Kërkohet më së pari, në vlerësimin tim, një përmirësim i Kodit Zgjedhor në lidhje me këtë çështje. Ka nevojë që të ketë përkufizime më të qarta në lidhje me atë që çfarë është e ndaluar dhe çfarë nuk është e ndaluar. Të rrisim kapacitetet e KQZ për të vlerësuar në tërësinë e vet sjelljen e institucioneve publike dhe zyrtarëve publik gjatë zyrtarës zgjedhore.” 

Kreu i KQZ, Ilirjan Celibashi

Deklarata e Komisionerit Shtetëror të Zgjedhjeve u bë gjatë një aktiviteti të organizatës “Qëndresa Qytetare” për trajnimin e të rinjve për monitorimin e fushatës zgjedhore. E pranishme në panel ishte edhe zëvendës ambasadorja britanike Mia Marzok, e cila nuk nguroi të tregonte problematikat e hasura në zgjedhjet shqiptare. 

“Si votuesit ashtu edhe kandidatët kanë nevojë që të kenë besim në procesin e zgjedhjeve. Zgjedhjet janë guri i themelit të demokracisë. Integritetit ose paprekshmëria e zgjedhjeve varet nga KQZ por edhe nga sjellja e kandidatëve dhe partive, për t’i dhënë zgjedhësve besim se vota e tyre ka vlerë. Partitë politike të kenë mundësi të garojnë në mënyrë të barabartë pa mbështetjen e donatorëve, biznesmenët etj, e cila ul shanset e korrupsionit zgjedhor.”

Ambasadorja britanike, Mia Marzok

Aktualisht KQZ monitoron raportimin e institucioneve shtetërore mbi aktivitetet e tyre publike nëse ato bien ndesh me parashikimet e Kodit apo jo.

https://a2news.com/2023/01/29/zgjedhjet-vendore-ne-kqz-tashme-dy-lista-me-anetare-te-kzaz-ve-per-partine-demokratike/

A2 CNN Livestream

Debat - nga Alba Alishani