Sondazh: Destinacionet e fundjavave tuaja janë:
  • Bregdeti 67%
  • Zonat malore 33%
  • Qendrat historike 0%

Zgjedhjet e mes-mandatit në SHBA, demokratët fitojnë në Georgia dhe forcojnë kontrollin në Senat

Nga A2 CNN
7 Dhjetor 2022, 16:03 | Bota
Zgjedhjet e mes-mandatit në SHBA, demokratët fitojnë në

Demokratët kanë regjistruar një fitore spektakolare në zgjedhjet e mes-mandatit që u mbajtën në Georgia të Shteteve të Bashkuara të Amerikës, duke forcuar kështu kontrollin e Senatit.

“Është nderi im të shqiptoj fjalët më të rëndësishme në demokraci. Populli foli!”

Raphael Warnock

Senatori i Georgias, Raphael Warnock, do të ruajë vendin e tij në Senat, çka nënkupton se demokratët forcojnë kontrollin në dhomën e lartë me 1 vend më shumë se rivalët republikanë. 

Warnock ka shërbyer si senator i Georgias për dy vite, që kur fitoi zgjedhjet në balotazh. Ai është Pastor i Kishës së Atlantës, e cila dikur drejtohej nga Martin Luther King junior.

Ndërkohë, sfiduesi i tij republikan Herschel Walker e pranoi humbjen.

“Ne luftuam fort.”

Herschel Walker

Fitorja e Warnock nënkupton se demokratët do të kenë 51 vende në dhomën e lartë të Parlamentit, ndërsa përgjatë dy viteve të fundit dhoma ndahej 50 me 50, me demokratët që siguronin dominimin falë votës së Zëvendëspresidentes Kamala Harris.

Kampi blu do të ruajë shumicën në secilin prej komisioneve të senatit gjatë vitit të ardhshëm, edhe pse do të duhet të ndajë pushtetin me republikanët, të cilët kontrollojnë tani Dhomën e Ulët.

Demokratët do të jenë gjithashtu në gjendje të lëshojnë fletëthirrje pa mbështetjen e të kuqve, dhe do të kenë një votë më shumë në çështje ku kërkohet shumica e thjeshtë, si ajo e emërimeve në Gjykatën e Lartë.

Kjo mund të dobësojë pushtetin e të moderuarve. Për Georgian, gara e ngushtë nënkupton se do të sigurojë më shumë vëmendja gjatë garës së ardhshme presidenciale.

https://a2news.com/video/zgjedhjet-e-mesit-te-mandatit-ne-shba-demokratet-ruajne-kontrollin-e-senatit-pas-fitores-ne-nevada/

A2 CNN Livestream

Debat - nga Alba Alishani