Sondazh: Destinacionet e fundjavave tuaja janë:
  • Bregdeti 100%
  • Zonat malore 0%
  • Qendrat historike 0%

Zhvillimi i qëndrueshëm, KLSH: Objektivat ende larg arritjes, duhet më shumë koordinim institucional

Nga A2 CNN
5 Shkurt 2023, 16:15 | Sociale
Zhvillimi i qëndrueshëm, KLSH: Objektivat ende larg arritjes, duhet

Buxhet i paqartë, politika që vështirësojnë arritjen e objektivave dhe mungesë koordinimi ndërmjet institucioneve. Janë këto disa nga gjetjet e Kontrollit të Lartë të Shtetit (KLSH) pas auditimeve të kryera në Kryeministri, Ministrinë e Financave dhe Ekonomisë, atë të Shëndetësisë dhe Turizmit e Mjedisit.

Pedagogu dhe eksperti i ekonomisë, Igli Tola, shprehet për A2 CNN: “Shqipëria ka bërë hapa pozitivë në lidhje me politikat, por problematika qëndron te implementimi sepse ka edhe kosto”.

Teksa tregon se në 5 vite janë kryer vetëm 3 mbledhje dhe nuk është publikuar asnjë raport mbi zhvillimin e qëndrueshëm, KLSH i rekomandon Kryeministrisë që të rrisë rolin e saj koordinues dhe të marrë masa për të rritur nivelin e harmonizimit të politikave sektoriale kombëtare me zhvillimin e qëndrueshëm, duke mos cenuar mjedisin.

Në shtator 2015, në takimin e Asamblesë së Përgjithshme të Organizatës së Kombeve të Bashkuara, qeveria e Shqipërisë, së bashku me 192 vendet anëtare të OKB-së, është angazhuar për zbatimin e Agjendës 2015-2030 për zhvillim të qëndrueshëm, nëpërmjet miratimit të deklaratës së përbashkët.

https://a2news.com/2023/01/22/gjetjet-e-klsh-dyert-e-shkollave-shpesh-mbyllen-per-femijet-me-aftesi-te-kufizuara/

A2 CNN Livestream

Dita jonë