Fluks pasagjerësh në Portin e Durrësit

Nga A2 CNN
20 Gusht 2023, 21:32 | Aktualitet
Fluks pasagjerësh në Portin e Durrësit

Vetëm gjatë fundjavës kanë dalë nga vendi ynë përmes portit detar të Durrësit rreth 20 mijë udhëtarë dhe 4 500 automjete, ndërsa ka rënë ndjeshëm numri i personave që hyjnë në Shqipëri nga kjo pikë kufitare.

Edhe në dy javët në vazhdim pritet të vijojë fluksi në dalje për t’i lënë vendin një vjeshte më të qetë lundrimesh mes dy brigjeve të Adriatikut.

Tragetet kanë operuar me lundrime të dyfishuara, ndërsa edhe sportelet e kontrolleve kufitare janë duke punuar me kapacitet të plotë në të dyja krahët, me qëllim përballimin e fluksit.

Korriku regjistroi plot 123 mijë udhëtarë vetëm në Portin e Durrësit, ndërsa në 7 muajt e parë të vitit 2023 në këtë pikë kufitare janë përpunuar 202 mijë udhëtarë ose 10 % më shumë se e njëjta periudhë e një viti më parë.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi