Sulm me bombë në Mal të Zi, vriten dy anëtarë të klanit kriminal, 3 plagosen

Nga A2 CNN
20 Qershor 2024, 11:10 | Ballkani

Dy persona kanë humbur jetën dhe tre janë plagosur, mëngjesin e sotëm, në Cetinje të Malit të Zi, pas aktivizimit të një mjeti shpërthyes jo shumë larg Qendrës Sportive.

Kështu raportojnë mediat në Mal të Zi, duke u bazuar në njoftimet nga Drejtoria e Policisë. Dhe sipas informacioneve jozyrtare të “Vijesti”, janë vrarë Petar Kalugjeroviq dhe Dragan Roganoviq, anëtarë të klanit kriminal “Škaljar”. Njëri prej tyre, ka ndërruar jetë në vend. Shpërthimi ndodhi në orën 09:10.

Në vendin e ngjarjes kanë dalë menjëherë punonjësit e policisë. Për zbardhjen e të gjitha rrethanave dhe fakteve të kësaj ngjarjeje, punonjësit e administratës policore në koordinim me Prokurorinë e Lartë të Shtetit në Podgoricë, janë duke ndërmarrë masa dhe aksione intensive të zbulimit dhe publiku do të njoftohet në kohë për rezultatet e hetimeve”, njofton zyrtarisht Policia.

Sipas medias malazeze, me muaj të tërë policia kishte frikë se diçka e tillë mund të ndodhte në Cetinje, pasi një numër i madh i anëtarëve të klaneve kriminale janë liruar në gjashtë muajt e fundit dhe pjesa më e madhe e tyre ndodhet në Cetinje.

 

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli 2024