Ministria e Drejtësisë në Rusi ka vendosur ish-kryeministrin Mikhail Kasyanov në listën e "agjentëve të huaj", një etiketim i përdorur gjerësisht për të frenuar opozitën anti-Kremlin.
Kasyanov, një kritik i hapur i presidentit Vladimir Putin, u largua nga Rusia menjëherë pas sulmit në Ukrainë në shkurt 2022. Ai ishte kryeministër gjatë mandatit të parë të Putinit në vitet 2000-2004, por e ka dënuar luftën e Rusisë në Ukrainë.
Shumë kritikë të Kremlinit dhe grupe të shoqërisë civile janë në listën e "agjentëve të huaj". Në të kaluarën ky emërtim nënkuptonte spiunazhin.
Ministria e Drejtësisë tha se Kasyanov kundërshtonte operacionin special ushtarak në Ukrainë dhe ishte anëtar i Komitetit Rus kundër Luftës, një shoqatë, aktivitetet e së cilës synojnë diskreditimin e politikës së jashtme dhe të brendshme ruse. (A2 Televizion)
A2 CNN Livestream
MUND TE LEXONI GJITHASHTU
