Kandidati republikan për president të Shteteve të Bashkuara, Donald Trump, akuzoi se po kryhej një vjedhje masive votash në Filadelfia, por Policia e qytetit i tha CNN se nuk kishte asnjë informacion apo indicie mbi atë që pretendonte ai, raporton A2 CNN.
“Po flitet shumë për vjedhje masive në Filadelfia. Forcat e policisë po shkojnë atje”, tha Trump përmes një postimi në rrjetin social Truth, rreth orës 4:40 të pasdites me orën lokale. Akuzat për vjedhje votash në këtë qytet Trump i ka bërë edhe në vjeshtë, gjatë fushatës. Por akuzat janë hedhur poshtë edhe nga drejtuesit lokalë të Partisë Republikane.
Akuzat e të martës u hodhën poshtë edhe nga Prokurori i Distriktit të Filadelfias Larry Krasner. “Nuk ka asnjë bazë apo fakt që të vërtetojë këto akuza. I kemi ftuar palët të dërgojnë fakte në çdo moment. Nëse Donald Trump ka ndonjë fakt që të mbështesë këto akuza, le të na i dorëzojë tani”, tha ai në një reagim në rrjetin social X. (A2 Televizion)
A2 CNN Livestream
MUND TE LEXONI GJITHASHTU
