Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 27%
  • 1 mars 45%
  • Nuk e uroj 27%

Fundjava sjell rrebeshe, përmbytje dhe dëborë

Nga Tanja Porja
5 Janar 2024, 21:32 | Aktualitet

Fundjava sjell rrebeshe, përmbytje dhe dëborë

E shtuna pasdite sjell reshje të pakta në veri, por reshje me intensitet të lartë në zonat qendrore dhe jugore të vendit.

Intensiteti i lartë i reshjeve nga mbrëmja e së shtunës deri mëngjesin e së hënës do krijojnë mundësinë e përmbytjeve të zonave urbane në jug dhe qendër të vendit.

Më të rrezikuara janë qarqet Vlorë, Korçë, Fier, Berat, Tiranë, Elbasan dhe Durrës. Temperaturat do të ulen me 5-6°C gjatë ditës së diel, duke bërë që termometri të zbresë në vlera negative në pjesën më të madhe të zonës malore, ku reshjet do të jenë në formë dëbore; sasitë më të mëdha të dëborës së kësaj fundjave pritet të bien në zonat malore jugore ku vlen të përmendim Korçën, Kolonjën, Përmetin dhe Gjirokastrën, ndërsa reshje të pakta dëbore do të ketë në zonat malore në veri të vendit.

Parashikohet përmirësim i situatës së motit paraditen e së hënës dhe në vijim, kur reshjet do të jenë të pakta dhe të izoluara, por temperaturat do të vijojnë të ulen.

Edhe parametri i erës do të jetë problematik kryesisht ditën e shtunë, kur pritet që era të arrijë shpejtësi deri 68 km/h dhe akoma më e fortë në hapësirat detare deri paraditen e së dielës, kur era dobësohet ndjeshëm në tokë dhe në det.

 

A2 CNN Livestream

Ditari nga Denisa Pasholli