Protesta e radhës para Bashkisë, policia ka një thirrje për organizatorët

Nga A2 CNN
28 Maj 2024, 07:54 | Aktualitet

Protesta e radhës para Bashkisë, policia ka një thirrje për

Ditën e sotme Aleanca për Teatrin e mbështetur nga Rithemelimi dhe Partia Lirisë do të mbajnë protestën e radhës përpara Bashkisë së Tiranës, ku do të kërkojnë edhe njëherë dorëheqja e kryebashkiakut Erion Veliaj.

Nisur nga incidentet e shënuara në protestat e tjera të këtij lloji, Policia e Shtetit ka marrë masa të shtuara për mbarëvajtjen e këtij grumbullimi.

Kështu gjatë ditës së sotme prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës.

Për këtë arsye Policia iu kërkon qytetarëve që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.

Policia u përsërit thirrjen organizatorëve, drejtuesve dhe pjesëmarrësve në tubim që të respektojnë ligjin dhe të distancohen nga çdo akt dhune.

A2 CNN Livestream

Dita jonë 2024