Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 0%
  • Kujdesi familjar 100%
  • Ndikimi i shoqërisë 0%

Tymuese e karrige të përmbysura, opozita vijon të "paralizojë" seancat plenare

Nga A2 CNN
4 Dhjetor 2023, 10:08 | Politikë

Tymuese e karrige të përmbysura, opozita vijon të

Karrige të përmbysura aty ku duhet të jetë foltorja, prezencë e shtuar e Gardës së Republikës, tymuese dhe zërat e deputetëve të mazhorancës në sfond.

Është ky skenari që u përsëritet sërish në Kuvendin e Shqipërisë, teksa opozita është zotuar që ta vijojë paralizimin e jetës parlamentare deri në respektimin, siç janë shprehur ata, e të drejtave të tyre kushtetuese.

Teksa deputetët e grupit të Rithemelimit qëndronin në këmbë duke ndezur tymuese dhe transmetuar live në rrjetet e tyre sociale, ligjvënësit socialistë vijuan të marrin fjalën e tyre nga vendi, duke mos kursyer edhe kritikat për sjelljen e kolegëve të tyre. 

Ndër të tjerë, Flamur Noka të cilit kryeparlamentarja Lindita Nikolla i komunikoi përjashtimin, u vuri flakën një sërë letrash që mbante në dorë. 

E gjetur përballë kësaj situate, kryetarja e Parlamentit njoftoi mbylljen e seancës, vetëm disa minuta pasi kishte nisur.

A2 CNN Livestream

Ditari nga Denisa Pasholli