Sondazh: Sa prezent është aktiviteti fizik në përditshmërinë tuaj?
  • Çdo ditë 44%
  • Tre herë në javë 19%
  • Vetëm në fundjavë 4%
  • Asnjëherë 33%

Titaniku 500 milionë dollarësh fillon lundrimin në vitin 2022, këtë herë do të ketë më shumë varka shpëtimi

Nga A2 CNN
24 Tetor 2018, 12:02 | Lifestyle

Një anije identike me Titanikun duhet të nisë lundrimin në vitin 2022 dhe do të realizojë të njëjtin udhëtim si anija e famshme që u mbyt në oqeanin Atlantik në vitin 1912 duke marrë 1500 jetë njerëzish.

Punimet për Titanikun e dytë kanë nisur që në vitin 2012, kur manjati australian Clive Palmer bëri publik planet e tij për herë të parë. Por të hënën Palmer zbuloi se projekti që do të kushtojë 500 milionë dollarë ka rifilluar pasi u ndërpre përkohësisht për shkak të problemeve financiare.

Titaniku i ri do të ketë të njëjtën arkitekturë dhe dizajn me paraardhësin në mënyrë që të gjithë udhëtarët të kenë të njëjtën ndjesi me ata që ndërmorën udhëtimin e famshëm më shumë se një shekull më parë.

Anija do të mund të mbajë thuajse të njëjtin numër pasagjerësh si origjinali – 2044 – dhe 900 pjesëtarë të ekuipazhit. Por siç ka premtuar edhe Palmer do të ketë shumë më tepër varka shpëtimi. Kur nisi lundrimin e parë (dhe të vetëm) më 10 prill 1912, Titaniku konsiderohej si anija që nuk mund të fundosej. Por pesë ditë më vonë ajo përfundoi në fund të oqeanit pasi u përplas me një ajsberg.

Anija e re do të niset fillimisht nga Dubai për në Southampton, ku më pas do të kryejë edhe udhëtimin nga qyteti anglez për në New York.

A2 CNN Livestream

Ditari nga Erion Dushi