Shpërthen dhuna në Argjentinë, ultrasit godasin për vdekje me gurë tifozen e ekipit rival

Nga A2 CNN
1 Tetor 2023, 20:04 | Bota
Shpërthen dhuna në Argjentinë, ultrasit godasin për vdekje

Një ngjarje e rëndë ka shënuar këtë fundjavë futbollin argjentinas. Një tifoze e skuadrës së Atletico Rosario Central, ka mbetur e vdekur pasi është qëlluar me gurë nga tifozët kundërshtarë të Newell’s Old Boys, pas ndeshjes mes dy skuadrave.

Sipas mediave lokale, Ivana Paula Garsilaso Behon, po udhëtonte me motor me partnerin e saj, teksa është vënë nën breshërinë e gurëve nga tifozët e Newell’s. Ajo është rrëzuar dhe rënia ka qenë fatale, pasi ka mbetur e vdekur, pavarësisht ndihmës së shpejtë që iu dha.

Policia ka bërë të ditur se ka arrestuar dy persona në lidhje me këtë ngjarje të rëndë, teksa është në kërkim një i tretë, nën akuzën e vrasjes.

Kohët e fundit në Argjentinë ka patur një rritje të ndjeshme të akteve të dhunës në aktivitetet sportive dhe kjo ka bërë që të ketë një alarm të përgjithshëm për situatat e krijuara.

A2 CNN Livestream

Debat - nga Alba Alishani