Parashikimi i shkencëtareve: Toka do të “bombardohet” nga stuhitë diellore në 2024

Nga A2 CNN
25 Dhjetor 2023, 11:37 | Teknologji

Thuajse çdo 11 vite, dielli kalon nëpër disa faza që janë quajtur “maksimumi solar”, dhe janë pikërisht këto faza kur në yllin tonë shfaqen disa “pika” të zeza në sipërfaqe. 

“Pikat” e zeza, të cilat mund të mblidhen bashkë dhe të formojnë atë që duket si një arkipelag, shkaktohen nga ndryshime madhore në fushën magnetike të diellit.

Parashikimi i shkencëtareve: Toka do të “bombardohet” nga

Ato shkaktojnë gjithashtu shpërthime të dhunshme drejt Tokës, duke sjellë stuhi solare që, potencialisht, mund të dëmtojnë satelitët tanë dhe të shkëpusin internetin.

Dhe, për fat të keq, një studim i bërë së fundmi tregon se maksimumi solar mund të vijë më shpejt nga ç’pritej, me shumë gjasa në fillim të 2024.

Parashikimi është bërë nga një ekip kërkuesish indianë dhe është në kontrast me parashikimin e fundit që ishte bërë nga NASA, sipas të cilit, këto stuhi diellore do ta godisnin tokën në fund të 2025.

Është ende herët të parashikohet intensiteti dhe pasojat e stuhive solare që pritet të godasin Tokën, por shkencëtarët thonë se të dhënat do të bëhen më të qarta ndërkohë që afrohet viti i ri.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Denisa Pasholli