“Euklidi” sjell pamjet e para nga hapësira: Janë magjepsëse

Galaktika spirale dhe eliptike në një sfond të mbushur me yje dhe rreze kozmike. Këto janë pamjet spektakolare të shkrepura nga teleskopi evropian Euklidi, i cili po vëzhgon universin në një distancë prej një milion e gjysmë kilometrash nga Toka.

Qartësia e pamjeve është aq e pabesueshme saqë disa shkencëtarë i kanë cilësuar si “imazhe hipnotizuese”.

Ata u kapën përsëri nga dy instrumentet, sapo u ndezën: Vis (Instrumenti i dukshëm) dhe Nisp (Fotometri i spektrometrit afër infra të kuqe) ende në fazën e kalibrimit.

Edhe pse do të duhet të kalojnë disa muaj përpara se Euklidi të nisë të ofrojë pamjet tredimensionale të kozmosit, rezultatet e marra deri më tani tregojnë se ai do t’i arrijë objektivat shkencore për të cilat u krijua.

Misioni i Euklidit

Edhe pse duket e pakufishme, pjesa e qiellit në të cilën është ushtruar teleskopi Euklidi korrespondon me një zonë të barabartë me vetëm një të katërtën e hënës së plotë.

Megjithatë, niveli i detajeve i arritur nga instrumentet e tij, Instrumenti i dukshëm dhe Fotometri i spektrometrit afër infra të kuqe, është i mjaftueshëm për të pasur pritshmëri shumë të larta nga ana e astronomëve dhe astrofizikanëve nga e gjithë bota.

Aq të pasura në detaje, fotot janë në fakt dëshmi se gjithçka po funksionon siç pritej në bordin e teleskopit hapësinor, i cili më 28 korrik arriti pikën përfundimtare të vëzhgimit, 1.5 milionë kilometra nga Toka, në pikën e ekuilibrit Lagrange 2, ose L2. ku ndikimet e Diellit, Hënës dhe Tokës nuk ndihen.

Nga atje, në fund të kësaj faze testimi prej rreth dy muajsh, Euklidi do të fillojë të “gërvishtë” sekretet e universit të errët.

"Unë jam plotësisht i bindur se ky misioni do të jetë i suksesshëm në përdorimin e Euklidit për të zbuluar 95% të Universit, për të cilin ne aktualisht dimë kaq pak", tha Drejtori i Përgjithshëm i ESA-s Josef Aschbacher.

Gjithashtu, për Carol Mundell, drejtore e Shkencës për ESA, imazhet e para janë "vetëm një grimcë e të dhënave të jashtëzakonshme që mund të presim nga Euklidi". (A2 Televizion)