1678 – Elena Piskopia bëhet gruaja e parë në botë me doktoraturë në filozofi, kur diplomohet nga Universiteti i Padovës, Itali. Lindur në një familje fisnike në Venecia, fillimisht kishte kërkuar të studionte për teologji, por nuk u lejua nga Kisha, kështu ajo iu përkushtua filozofisë dhe matematikës. Megjithatë, arritja e saj nuk hapi menjëherë dyert për gra të tjera në shkolla të larta. Vetëm në fund të shekullit XX, një grua tjetër do të merrte një doktoraturë nga Universiteti i Padovës. 
1741 – Maria Tereza e Austrisë kurorëzohet mbretëreshë e Hungarisë. Maria Tereza dhe burri i saj, Francis I, Perandori i Shenjtë Romak, patën 16 fëmijë, përfshi mbretëreshën Marie Antoinette të Francës. Pas vdekjes së burrit të saj, Maria Tereza trashëgoi më shumë se 30 tituj sundimi e fisnikërie. 
1788 – Virxhinia, territori i kolonisë së parë britanike të Amerikës, bëhet shteti i 10 që ratifikon Kushtetutën e Shteteve të Bashkuara. 
1950 – Me një forcë ushtarake prej mbi 100 000 trupash, Koreja e Veriut sulmon fqinjin e vet jugor, duke e filluar në këtë mënyrë edhe zyrtarisht luftë ndërmjet dy Koreve. 
1963 – Lindi ylli britanik i rokut, George Michael. Ai ishte një këngëtar, kompozitor, producent, i cili u bë i njohur fillimisht si i duos muzikore Ëham. Ai ishte tepër i njohur në vitet 1980 dhe 1990 me stilin e tij dance-pop, si dhe me sukseset 'Last Christmas' dhe "Ëake Me Up Before You Go-Go". 
1991 – Kroacia dhe Sllovenia shpallin pavarësinë e tyre nga Jugosllavia. 
1993 – Kim Campbell zgjidhet në krye të Partisë Përparimtare Konservatore kanadeze dhe bëhet e para femër Kryeministre e Kanadasë. 
2009 – Përurohet autostrada Rrëshen – Kalimash, rruga e “Bashkimit kombëtar”. 
2009 – Michael Jackson u gjet i pajetë në një vilë të marrë me qira në Los Anxhelos, nga një sulm kardiak në zemër. i pagëzuar si Mbreti i Popit, ai njihet si një nga artistët më të mëdhenj të të gjitha kohërave. Kontributet e tij në muzikë, kërcim, modë, e kanë bërë atë një figurë globale në kulturën botërore për më shumë se katër dekada. 
Në 25 qershor përkujtohet përvjetori i masakrave në Çamëri. Viktimat ishin kryesisht gra dhe fëmijë. Kjo ishte një nga masakrat më të egra të grekëve ndaj popullsisë autoktone Shqiptare, në luftën e dytë botërore.
All - Paragraf - 1
Kalendari historik, 25 qershor. (A2 Televizion)
Galeria fotografike ( )
All - ArticleEnd - 1
All - ArticleEnd - 2
A2 CNN Livestream
MUND TE LEXONI GJITHASHTU
