Popullsia e botës arrin 8 miliardë

Nga A2 CNN
15 Nëntor 2022, 07:39 | Bota
Popullsia e botës arrin 8 miliardë

Sipas një vlerësimi zyrtar të OKB-së, popullsia e botës ka tejkaluar 8 miliardë banorë.

Kombet e Bashkuara e quajnë këtë gjë një moment historik të rëndësishëm në zhvillimin njerëzor dhe një kujtesë, në kulmin e samitit COP27, të përgjegjësisë sonë të përbashkët për t'u kujdesur për planetin tonë.

Për OKB-në, kjo rritje e paprecedentë paraqet sfida të mëdha për vendet më të varfra.

Natalia Kanem, drejtoreshë e Fondit të Popullsisë së OKB-së u bëri thirrje vendeve të mos futen në panik, por në vend të kësaj të përqendrohen në ndihmën e grave, fëmijëve dhe njerëzve që janë më të rrezikuar nga ndryshimet demografike.

Zyrtarja e OKB e pranon se ka ekspertë që shprehin shqetësime se bota jonë është e mbipopulluar dhe burime të pamjaftueshme.

Por Kanem paralajmëroi se nëse qeveritë përqendrohen vetëm te numrat, ata rrezikojnë të vendosnin kontrolle të popullsisë për të cilat historia ka treguar se janë të paefektshme dhe madje të rrezikshme.

https://a2news.com/2022/07/07/okb-ngre-alarmin-arrin-ne-828-milione-numri-i-njerezve-te-uritur-ne-bote/
https://a2news.com/2022/06/16/okb-mbi-100-milione-njerez-ne-mbare-boten-jane-detyruar-te-largohen-nga-shtepite-e-tyre/

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi