Presidentja e Komisionit Evropian, Ursula von der Leyen, ka bërë të ditur se Bashkimi Evropian do të rrisë ndjeshëm prodhimin e dronëve dhe armëve moderne, në kuadër të forcimit të mbështetjes ushtarake për Ukrainën.
Gjatë një bisede telefonike me kryeministrin e ri të Ukrainës, Serhiy Koretsky, Von der Leyen theksoi se, në bazë të marrëveshjes për dronët, industritë e vendeve anëtare të BE-së do të prodhojnë me ritme të përshpejtuara pajisje moderne ushtarake në sasi të mëdha për mbrojtjen e Ukrainës.
Përmes një postimi në platformën X, ajo njoftoi se me kryeministrin ukrainas diskutoi edhe bashkëpunimin për reformat që lidhen me procesin e anëtarësimit të Ukrainës në Bashkimin Evropian, duke ritheksuar angazhimin e BE-së për ta mbështetur vendin në këtë rrugë.
Në fokus të bisedës ishte edhe përgatitja për sezonin e dimrit, si dhe mbrojtja e infrastrukturës kritike të energjisë në Ukrainë.
"Diskutuam gjithashtu përgatitjet për dimër dhe infrastrukturën kritike të energjisë. Mund të mbështeteni në mbështetjen tonë të plotë, përfshirë edhe përpjekjet tuaja për përmirësimin e menaxhimit të sektorit të energjisë", deklaroi presidentja e Komisionit Evropian, Ursula von der Leyen. (A2 Televizion)
A2 CNN Livestream
MUND TE LEXONI GJITHASHTU
