Sondazh: Sipas jush, brezi më i lumtur është:
  • X (1960-1980) 33%
  • Millenials (1981-1996) 56%
  • Z (1997-2011) 11%
  • Alpha (2012-2025) 0%

Frika për eksod të palestinezëve, Egjipti po ndërton një gardh me mure të larta në shkretëtirën e Sinait

Nga A2 CNN
16 Shkurt 2024, 08:00 | Bota

Frika për eksod të palestinezëve, Egjipti po ndërton

Egjipti po ndërton një lloj mega gardh të mbyllur nga mure të larta në shkretëtirën e Sinait, në rast se do të kishte një eksod të palestinezëve të zhvendosur nga Rripi i Gazës. Zyrtarët e Kajros e zbuluan këtë për Wall Street Journal, duke specifikuar se Egjipti do të përpiqet të kufizojë numrin e refugjatëve nën kapacitetin e zonës në rreth 50-60 mijë njerëz.

Megjithatë, autoritetet e Kajros mohojnë se po ndërtojnë strukturën. Për javë të tëra, Egjipti është përpjekur të forcojë sigurinë përgjatë kufirit për të mbajtur larg palestinezët, duke vendosur ushtarë dhe tanke.

Më shumë se 100,000 njerëz mund të strehohen në kampin e ri, të rrethuar me mure betoni, thanë zyrtarët egjiptianë, duke shtuar se një numër i madh tendash, të pangritura ende, ishin dorëzuar gjithashtu në vend.

Kajro është përpjekur për javë të tëra që të parandalojë një valë refugjatësh që të vërshojë nëpër kufijtë e Egjiptit, madje duke kërcënuar se do të tërhiqet nga traktati i paqes me dhjetëvjeçarë me Izraelin, nëse kjo do të ndodhte pas ofensivës së tij kundër Hamasit.

Fakti që Kajro po vazhdon tani me planet e emergjencës sinjalizon se zyrtarët egjiptianë e shohin këtë rrezik gjithnjë e më afër. Guvernatori i Sinait të Veriut ka mohuar raportet për ndërtimin e një kampi refugjatësh për palestinezët, duke thënë se aktiviteti në zonë është pjesë e një projekti për inventarizimin e shtëpive të shkatërruara gjatë fushatës ushtarake egjiptiane kundër ekstremistëve të Shtetit Islamik në zonë.

Qindra punëtorë palestinezë nga Bregu Perëndimor po punojnë në Izrael për të ndihmuar në ndërtimin e një pengese të re përgjatë kufirit me Rripin e Gazës, pavarësisht se Kabineti izraelit i Sigurisë ua ndalon ta bëjnë këtë, raporton faqja e lajmeve Ynet, duke cituar rrëfimet e dëshmitarëve okularë të Mbrojtjes izraelite.

Ushtarët e Forcave (IDF) u vendosën në zonë. Ynet thotë se punëtorët palestinezë janë të angazhuar në punë inxhinierike në çarjet në gardhin, i cili u dëmtua në dhjetëra vende në fillim të luftës kundër Hamasit. Ministria izraelite e Mbrojtjes, iu përgjigj raporteve duke deklaruar se vetëm katër palestinezë janë duke punuar në projekt, duke specifikuar se punëson kontraktorë "në përputhje me udhëzimet e sigurisë, klasifikimin dhe ndjeshmërinë e punës" dhe se punëtorët vijnë nga një grup palestinezësh. 

Të paktën 12 persona vdiqën dje pas një sulmi ajror izraelit në kampin e refugjatëve Nuseirat në qendër të Rripit të Gazës. Dhjetë nga viktimat ishin gra dhe fëmijë.

Agjencia palestineze e lajmeve Wafa raporton se të paktën gjashtë persona vdiqën dhe disa të tjerë u plagosën në një bombardim izraelit që goditi një shtëpi në lagjen Al-Nasr të Rafah në Rripin jugor të Gazës, në orët e para të ditës së sotme. Dy persona të tjerë humbën jetën në një bastisje të nisur, mbrëmë vonë, nga forcat izraelite kundër dy shtëpive në lindje të Jabalia, në veri të enklavës palestineze.

Në orët e mëparshme, të paktën tre persona u vranë dhe disa të tjerë u plagosën pas një tjetër bombardim izraelit kundër një automjeti dhe një grupi individësh në qytetin e Gazës, sipas Wafa.

Numri total i të vdekurve në Rripin e Gazës që nga 7 tetori është të paktën 28.663 të vdekur dhe 68.395 të plagosur, sipas Ministrisë Palestineze të Shëndetësisë të drejtuar nga Hamasi.

 

A2 CNN Livestream

Debat - nga Alba Alishani