Në vend të paqes për Krishtlindje, siç kërkon Presidenti amerikan Donald Trump, Ukraina pret sulme masive nga ana e Rusisë.
Alarmin për përshkallëzim të luftës gjatë festave e ngriti Presidenti ukrainas Volodymyr Zelensky, shkruan A2.
Sipas tij, sinjalet që po vijnë nga Moska janë një formë intimidimi ndaj të cilës Ukraina do të përgjigjet duke fuqizuar përpjekjet e inteligjencës dhe mbrojtjes ajrore. Deklarata e tij vjen disa orë pas vrasjes së një gjenerali rus me një autobombë në zonën jugore të Moskës.
Autoritetet kanë thënë se dyshojnë që pas sulmit që i mori jetën gjeneralit Fanil Sarvarov është dora e shërbimeve ukrainase. Me gjithë zhvillimet në terren, i dërguari i posaçëm i SHBA, Steve Wittkof tha se Rusia mbetet e përkushtuar për paqen në Ukrainë.
Ndërkohë, zëvendëspresidenti amerikan, Vance pohoi se Kievi me gjasë do të humbasë rajonin e Donjetskut. Sipas tij, edhe liderët ukrainas e kanë pranuar privatisht se diçka e tillë do të ndodhë herët a vonë. (A2 Televizion)
A2 CNN Livestream
MUND TE LEXONI GJITHASHTU
