Moska është përballur me sulmin më të madh ukrainas që nga fillimi i luftës në shkallë të gjerë, me afro 200 dronë që godasin objektivat përreth kryeqytetit rus. Shtatëmbëdhjetë persona u plagosën në rajonin e Moskës, sipas guvernatorit lokal Andrei Vorobyov.
Pothuajse 1000 dronë dhe katër raketa lundrimi ukrainase u kapën dhe u shkatërruan në të gjithë vendin në 24 orë, citohet të ketë thënë ministria ruse e mbrojtjes. Një depo nafte u godit në rajonin jugor të Rostovit, ku mbeti i vrarë një person.
Volodymyr Zelensky tha se Kievi kishte goditur edhe një herë rajonin e Moskës me "sanksione me rreze të gjatë", por këtë herë nga Brukseli ai ishte akoma dhe më i ashpër.
"Nëse Ukraina digjet, edhe Moska do të digjet. Është koha për t'i dhënë fund agresionit dhe luftës, por nëse Kremlini vazhdon agresionin e tij, Ukraina do të hakmerret”, deklaroi Zelenskyy.
Duke folur me gazetarët në bisedën presidenciale në ËhatsApp, Zelenskyy bëri thirrje gjithashtu për rritjen e presionit ndaj Rusisë. Ai argumentoi se sanksionet duhet të synojnë sektorin energjetik të vendit, flotën e fshehtë, të ardhurat nga nafta dhe gazi, sistemin bankar, prodhimin e armëve dhe industrinë e mbrojtjes “në mënyrë që Rusia të kuptojë se nuk ka kuptim të luftojë.
“Gjëja kryesore është që populli rus të fillojë të kuptojë se është vetëm një njeri, Putin, ai që po e bën këtë luftë, ndërsa janë njerëzit që paguajnë çmimin për gjithçka. Kjo është arsyeja pse presioni ndaj liderit rus Vladimir Putin duhet të intensifikohet nga Ukraina, Evropa dhe SHBA-ja. Është gjithashtu koha që rusët të vijnë në vete dhe të bëjnë presion mbi liderin e tyre”, u shpreh Volodymyr Zelenskyy.
Ndërkohë Ukraina dhe Gjermania nënshkruan një marrëveshje mbi aftësitë antiballiste me presidentin Volodymyr Zelenskiy duke u kërkuar aleatëve të tjerë perëndimorë që t'i bashkohen nismës dhe të ndihmojnë në arritjen e rezultateve të prekshme përpara dimrit. Duke folur në një takim të Grupit të Kontaktit të Mbrojtjes së Ukrainës në Bruksel, Zelenskiy tha se marrëveshja do të kombinonte teknologjitë ukrainase dhe gjermane për të forcuar aftësitë e mbrojtjes raketore. Ai tha se Ukraina kishte një kompani të aftë për të prodhuar raketa balistike dhe u bëri thirrje anëtarëve të koalicionit të kontribuojnë në përpjekjet e përbashkëta. (A2 Televizion)
A2 CNN Livestream
MUND TE LEXONI GJITHASHTU
