Sondazh: Të bëhesh i pasur në Shqipëri është:
  • E lehtë 10%
  • E vështirë 60%
  • E pamundur 30%

Ndryshoi malet dhe lumenjtë, cili ishte tërmeti më tragjik në histori që shkaktoi vdekjen e mbi 800 mijë njerëzve?

Nga A2 CNN
12 Shkurt 2024, 10:38 | Bota
Ndryshoi malet dhe lumenjtë, cili ishte tërmeti më tragjik
Rrafshnalta Loess pranë Hunyuan, Shaanxi (Kinë)

Mëngjesin e 23 janarit 1556, një tërmet i dhunshëm goditi provincën Shaanxi në Kinën veriperëndimore. Ai zgjati disa sekonda, por besohet se ka shkaktuar drejtpërdrejt vdekjen e 100.000 njerëzve. Me një magnitudë të vlerësuar midis 8.0 dhe 8.3, për shkak të kombinimit të faktorëve si gjeologjia e zonës dhe kriteret e projektimit urban, tërmeti rrafshoi në tokë qytetet Huaxian, Weinan dhe Huayin. Detajet e katastrofës, e njohur edhe si "tërmeti Jiajing", sipas perandorit në fuqi, raportohen në mediat lokale.

Dëshmitë flasin për shtëpi, tempuj dhe mure qytetesh që u shembën papritmas dhe për lumenj dhe male që ndryshuan vendet, duke shkatërruar atë që konsiderohej djepi i qytetërimit kinez në atë kohë.

Rrëshqitjet e dheut dhe zjarret e shkaktuara nga tërmeti, si dhe migrimi dhe uria që pasuan, ndoshta vranë më shumë se 800.000 njerëz. Megjithatë, një shifër që është shumë më e ulët se numri i vdekjeve të shkaktuara nga luftërat botërore, pandemitë apo zitë e bukës.

Por duke marrë parasysh numrin e njerëzve që humbën jetën në një ditë të vetme, tërmeti i Shaanxi tani konsiderohet më vdekjeprurësi për njerëzimin.

A2 CNN Livestream

Dita jonë