Shembet miniera në Venezuelë nga përmbytjet, të paktën 14 viktima

Të paktën 14 persona kanë humbur jetën nga shembja e një miniere ari në qytetin El Callao, në shtetin Bolívar, në Venezuelën juglindore.

Sipas autoriteteve lokale, shembja u shkaktua nga shirat e rrëmbyeshëm që kanë goditur rajonin në orët e fundit, duke i bërë tunelet nëntokësore të paqëndrueshme.

Një post komande operative është ngritur për të koordinuar operacionet e shpëtimit dhe rikuperimin e viktimave.

Viktimat ndodheshin në tre boshte të ndryshme të minierës Cuatro Esquinas de Caratal, një nga zonat më aktive të minierave artizanale në rajon, afërsisht 850 kilometra larg Karakasit.

Ekipet e emergjencës kanë filluar të pompojnë ujë nga tunelet për të ulur nivelin dhe për të lejuar aksesin e ekipeve të shpëtimit. (A2 Televizion)