Sondazh: Sa prezent është aktiviteti fizik në përditshmërinë tuaj?
  • Çdo ditë 45%
  • Tre herë në javë 18%
  • Vetëm në fundjavë 9%
  • Asnjëherë 27%

75 milionë dollarë raketa për Kosovën, DASH: Do të përmirësojnë mbrojtjen afatgjatë

Nga Rosalba Bejdo
12 Janar 2024, 15:47 | Aktualitet

Kosova ka bërë kërkesë për blerjen e raketave Javelin me vlerë prej 75 milion dollarësh. Këtë e konfirmoi Departamenti Amerikan i Shtetit, që sqaroi se ka vendosur të miratojë shitjen e huaj ushtarake për Ministrinë e Mbrojtjes ës Kosovës, për përdorimin e armëve nga Forcat e Sigurisë së Kosovës. Atje do të përfshihen gjithashtu edhe element logjistik të stërvitjes dhe përdorimit të tyre.

“Kjo shitje e propozuar do të mbështeste synimet e politikës së jashtme dhe sigurisë kombëtare të Shteteve të Bashkuara duke përmirësuar sigurinë e një partneri evropian, i cili është një forcë e rëndësishme për stabilitetin politik dhe ekonomik në Evropë”.

Tani kërkesa i shkon Kongresit Amerikan që shqyrton shitjen e armëve për vendet e huaja.

“Shitja e propozuar do të përmirësojë kapacitetin afatgjatë të mbrojtjes së Kosovës për të mbrojtur sovranitetin dhe integritetin e saj territorial duke përmbushur nevojat e saj të mbrojtjes kombëtare”​.

Forcimi i ushtrisë është bërë një ndër prioritetet kryesore të qeverisë së Kosovës që ka shumëfishuar fondet në këtë drejtim. Sistemi i raketave anti-tank ka hyrë në shërbim në vitin 1996, por përgjatë viteve ka pësuar përditësim të vazhdueshëm.

Për herë të parë, raketat “Javelin” u përdorën në Irak në vitin 2003 dhe fituan popullaritet gjatë luftës mes Ukrainës dhe Rusisë ku rezultuan mjaft efikase. Raketa mund të shkatërrojë tanke moderne duke i goditur nga lart. Rrezja e përdorimit është nga 2500 deri në 4750 metra. 

A2 CNN Livestream

Ditari nga Denisa Pasholli