Kosova dhe Emiratet e Bashkuara Arabe kanë arritur marrëveshje për njohjen e ndërsjellë të patentave të shoferëve.
Lajmin e ka bërë të ditur ministri i Punëve të Brendshme, Xhelal Sveçla, përmes një postimi në Facebook, ku shkruan se kjo marrëveshje do të lehtësojë punën dhe angazhimin e qytetarëve në të dy vendet.
Zveçla sot u prit nga zëvendëskryeministri dhe ministri i Brendshëm i Emirateve të Bashkuara Arave, Sheikh bin Zayed Al Nahyan.
Ai shtoi gjithashtu se me Sheikh Saif bin Zayed Al Nahyan kanë biseduar edhe për mundësitë e bashkëpunimit në fusha të tjera.
Njoftimi i Zveçlës:
Kisha nderin e veçantë të pritem sot në takim nga Zëvëndëskryeministri dhe Ministri i Brendshëm i Emirateve të Bashkuara Arabe, Lartësia e Tij, Sheikh Saif bin Zayed Al Nahyan.
Ky takim shënoi arritjen e marrëveshjes së njohjes së ndërsjellë të patentshoferëve mes Republikës së Kosovës dhe Emirateve të Bashkuara Arabe, marrëveshje kjo e cila do të lehtësojë punën dhe angazhimin e qytetarëve tanë në shtetet përkatëse.
Biseduam me Lartësinë e Tij Sheikh Saif bin Zayed Al Nahyan për mundësitë e bashkëpunimit në fushat tjera që mbulojnë Ministritë tona dhe gjej rastin ta falënderoj sërish për gatishmërinë e plotë për mbështetje ndaj Republikës së Kosovës.
Falënderoj ekipet punuese të dy shteteve tona që me përkushtim arritën ta finalizojnë Marrëveshjen e njohjes së ndërsjellë të patentshoferëve e cila u nënshkrua sot. (A2 Televizion)
A2 CNN Livestream
MUND TE LEXONI GJITHASHTU
