Një shtetas shqiptar, i ardhur nga Parma, është vënë në pranga nga policia italiane në kuadër të një operacioni kundër trafikut të kokainës, i cili çoi në arrestimin e tre personave.
Sipas hetimeve të Skuadrës Mobile, shqiptari dyshohet se kishte udhëtuar nga Parma drejt zonës së Palombara Sabina, në metropolin e Romës, për të përfunduar një marrëveshje për drogë.
Operacioni policor zbuloi një ambient të përshtatur si laborator i paligjshëm për përpunimin dhe paketimin e kokainës, si dhe një automjet me një ndarje të fshehtë, të krijuar posaçërisht për të fshehur rreth 1 kilogram kokainë.
Efektivët e policisë ndërhynë në një zonë të izoluar rurale, ku gjetën personat e dyshuar brenda një banese. Tre personat, përfshirë edhe shtetasin shqiptar, u arrestuan për veprat penale që lidhen me trafikun e lëndëve narkotike.
(A2 Televizion)
A2 CNN Livestream
MUND TE LEXONI GJITHASHTU
