“Urime të gjithë qytetarëve për një proces zgjedhor që pavarsisht pandemisë ishte i mirëorganizuar. Tani është koha që të gjitha palët të bëjnë përpara dhe së bashku të vazhdojnë rrugën drejt BE.”
Ky ishte mesazhi i raportueses për Shqipërinë në Parlamentin Europian, Isabel Santos pas zgjedhjeve të 25 prillit në vendin tonë. Më herët edhe raportuesi për Shqipërinë nga Partia e të Gjelbërve në Bundestagun gjerman, Manuel Sarrazin, bëri thirrje për bashkëpunim gjithëpartiak dhe të përgjegjshëm në rrugën e reformave.
“Si në qeveri, si në opozitë, të gjitha partitë tani duhet të ndjekin së bashku kursin e reformave me më shumë përgjegjshmëri dhe seriozitet se më parë”, deklaroi ai.
Kërkesa e deputetit nga radhët e partisë së gjelbër të opozitës, njëherazi njohësi i çështjeve në rajon, duket se i adresohet kryesisht opozitës aktuale qe dogji mandatin në vitin 2019.
Bojkotimi i parlamentit ishte jodemokratik dhe i papërshtatshëm, duke pasur parasysh sfidat e mëdha, me të cilat përballet vendi. Vendi ka nevojë për reforma urgjente dhe jo për vazhdimin e luftës së llogoreve. Deputetja e opozitës liberale në gjermani Renata Alt, tha se nuk pret ndonjë ndryshim të madh në Shqipëri pas zgjedhjeve të 26 prillit, pavarësisht kush do ta formojë qeverinë. (A2 Televizion)
A2 CNN Livestream
MUND TE LEXONI GJITHASHTU
