Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 27%
  • 1 mars 45%
  • Nuk e uroj 27%

Rikthehet “OFL”, në sitë makinat luksoze, ngrihet “regjistri i milionerëve”

Nga A2 CNN
21 Janar 2024, 17:03 | Aktualitet

Kush ka një makinë luksoze do të duhet të justifikojë burimin e parave. Për të vërtetuar se paratë me të cilat është blerë automjeti nuk janë përftuar nga aktivitete të paligjshme, do të krahasohet vlera e makinës me të ardhurat personale të zotëruesit të saj.

Brenda këtij viti parashikohet të ngrihet sistemi i hetimit pasuror që do të batohet nga Drejtoria e Përgjithshme e Tatimeve, bashkë me atë të Transportit Rrugor. Në rastet kur do të gjendet se vlera e automjetit nuk justifikohet, zotëruesi do të çohet për hetim.

Në përpjekje për të luftuar informalitetin dhe pastrimin e parave, brenda vitit 2026 pritet të ngrihet edhe Regjistri i Pasurive të Tatimpaguesve.

Në të do të përfshihen si pasuritë e luajtshme monetare, ashtu edhe ato të paluajtshme në prona. Në regjistrin që ishte planifikuar të ngrihej vitin e ardhshëm, fillimisht do të listohen më të pasurit, për tu zgjeruar më pas me të tjera kategori.

Nismat që pritet ë zbatohen në dy vitet e ardhme, me qëllim edhe reduktimin e “cash-it” janë të ngjashme me operacionin “Forca e Ligjit”, por zbatimi i tyre nuk do të bëhet nga Policia e Shtetit, por Drejtoria e Përgjithshme e Tatimeve.

A2 CNN Livestream

Ditari nga Denisa Pasholli