Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 0%
  • Kujdesi familjar 100%
  • Ndikimi i shoqërisë 0%

Testi ndërkombëtar "Pisa 2022", Shqipëria po prek fundin në arsim, bie me 69 vende në matematikë

Nga Ornela Joti
5 Dhjetor 2023, 16:05 | Aktualitet

Shqipëria po prek fundin në arsim. Këtë e dëshmon testimi ndërkombëtar në “Pisa 2022”, i cili vlerëson arritjet e nxënësve 15-vjeçarë në lexim, matematikë dhe shkenca. 

Nga 80 vende pjesëmarrëse në testim, Shqipëria ka shënuar rënin më te madhe më botë, me 69 vende.

Referuar studimit ndërkombëtar, nxënësit shqiptarë janë poshtë nivelit mestar të vendeve anëtare të organizatës për bashkëpunim dhe zhvillim ekonomik, OECD. 

Rezultati “Pisa 2022” i shtyrë me një vit për shkak të pandemisë dëshmon se nxënësit shqiptarë mangësitë më të mëdha i kanë në lëndën e matematikës.

Shqipëria ka rënë me 69 vende në Matematikë, ka humbur 47 vende në lexim e po thuajse në këto nivele edhe në shkencë.

Sipas renditjes se “Pisa 2022” në këto tri kompetenca vendi ynë renditet krah Guatemalës, Republikës Domenikane, Jordanisë dhe Xhamajkës.

Pisa thekson se një tjetër faktor që mund të ketë ndikuar negativisht në këtë rezultat për Shqipërinë është tërmeti i vitit 2019.

Një pjesë e nxënësve të përzgjedhur nga Pisa ishin nga qarku i Tiranës dhe Durrësit. Ndërsa pandemia e koronavirusit dha efekte negative në mbarë botën duke rënie tek të gjitha vendet krahasuar me vitin 2018.

Testi ndërkombëtar i Pisas zhvillohet 1 herë në tre vjet mes nxënësve 15-vjeçarë nga i gjithë planeti. Dekadën e fundit, rezultatet më të mira në testimin e Pisa-s, Shqipëria i ka arritur në 2015.

A2 CNN Livestream

Ditari nga Denisa Pasholli