Vështirësi në qarkullim, rikthehen përmbytjet në Durrës me minutat e para të reshjeve

Nga A2 CNN
8 Nëntor 2023, 10:34 | Aktualitet

Qyteti i Durrësit është përfshirë sërish që në orët e para të mëngjesit nga reshjet e dendura shiu. Kaq ka mjaftuar që në disa nga rrugët e qytetit të rikthehen përmbytjet.

Më problematike përmbytjet janë shfaqur në rrugët pranë kryqëzimit të stadiumit në lagjen 17, si dhe pjesërisht në lagjen 18.

Në këto rrugë niveli i ujit arriti të dalë mbi trotuare duke sjellë vështirësi në qarkullimin e automjeteve dhe kalimtarëve.

Përkeqësimi i motit për momentin nuk ka sjellë probleme në port, ndërsa përkohësisht të bllokuara do të jenë mjetet lundruese të tonazhit të ulët, si dhe anijet e peshkimit.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi