E ardhmja është digjitale në të gjithë botën dhe padyshim edhe në Shqipëri, si pjesë e pandarë e saj. Por ndryshe nga shtetet e tjera, që kanë vrapuar në këtë drejtim apo kanë marrë masa që të shtojnë vrapin, Shqipëria mbetet prapa, raporton A2 CNN. Një vlerësim i dhënë edhe pak ditë më parë nga Bashkimi Europian, që e mbështet me financime procesin e digjitalizimit të ekonomisë shqiptare.
Por si është situata? Sa të digjitalizuar janë bizneset shqiptare, që janë edhe agjenti kryesor ekonomik në vend?
Të dhënat tregojnë se 99.1% e ndërmarrjeve me më shumë se 10 të punësuar, kanë përdorur kompjuter me akses në internet për qëllime pune gjatë vitit 2023, shkruan A2 CNN. Kundrejt një viti më parë, numri i tyre është rritur me 0.4%.
Por a do të thotë kjo se bizneset shqiptare janë më të digjitalizuar? Për të arritur në një përfundim të tillë vetëm nga përdorimi i kompjuterit dhe aksesi në internet është vështirë. Por le të shohim një tjetër tregues.
Gjatë vitit 2023, përqindja e ndërmarrjeve të cilat kishin specialist të fushës së teknologjisë së informacionit dhe komunikimit ishte vetëm 28,4%, me rritje 2.1% kundrejt një viti më parë.
Nga këta dy grafikë kuptojmë qartazi se në bizneset shqiptare ka kompjuterë, por shkalla e digjitalizimit është e ulët.
E ky përfundim mbështetet po të shohim edhe përqindjen e punonjësve që përdorin kompjuterët në ndërmarrje. Numri i tyre ka ardhur duke u rritur vitet e fundit, veçanërisht pas pandemisë, megjithëse mbetet ende i ulët. Vetëm 31.3% e punonjësve përdornin kompjuterin në ndërmarrje.
Por cilat janë përfitimet e biznesit nga përdorimi i digjitalizimit gjatë procesit të punës?
Kemi evidentuar më kryesoret që janë: zëvendësimi i fuqisë punëtore, në kushtet kur ka edhe mungesa nga emigracioni; ulja e kostove; rritja e nivelit të prodhimit; rritja e efikasitetit dhe reduktimi i gabimit njerëzor. (A2 Televizion)
A2 CNN Livestream
MUND TE LEXONI GJITHASHTU
