Atentat në Bathore, dy persona me motor qëllojnë mbi 46-vjeçarin

Nga A2 CNN
2 Nëntor 2023, 20:01 | Kronikë

Atentat në Bathore, dy persona me motor qëllojnë mbi

Një ngjarje e rëndë ka ndodhur mbrëmjen e sotme në Bathore të Kamzës. Policia njofton se dy persona me motor i lanë bërë atentat me armë zjarri një 46-vjeçari. Për pasojë është plagosur në këmbë 46-vjeçari, i cili ndodhet në spital, nën kujdesin e mjekëve. Policia ka ngritur pika kontrolli dhe vijon krehja e zonës për të bërë të mundur kapjen e autorëve.

Kamëz/Informacion paraprak

Më datë 02.11.2023, rreth orës 19:15, në afërsi të kryqëzimit të Bathores, në rrethana ende të paqarta, dy persona ende të paidentifikuar të cilët lëviznin me një motomjet, kanë qëlluar me armë zjarri shtetasin A. H., 46 vjeç. 

Si pasojë 46-vjeçari është plagosur në këmbë dhe ndodhet në spital, nën kujdesin e mjekëve.

Shërbimet e Policisë pas marrjes së njoftimit kanë shkuar menjëherë në vendngjarje, kanë rrethuar zonën, kanë ngritur pika kontrolli dhe vijon krehja e zonës për të bërë të mundur kapjen e autorit/ëve.

Grupi hetimor, në drejtimin e Prokurorisë, ndodhet në vendngjarje dhe vijon veprimet hetimore për zbardhjen e rrethanave të ngjarjes.

A2 CNN Livestream

Ditari nga Bruna Çifligu