4 shqiptarë në prangat e policisë gjermane, zbulohet “shtëpia e barit”

Nga A2 CNN
5 Nëntor 2023, 10:12 | Kronikë

4 shqiptarë në prangat e policisë gjermane, zbulohet

Katër shtetas shqiptarë u arrestuan nga policia gjermane nën akuzën e trafikut të lëndëve narkotike.

Fillimisht, policia iu gjeti shqiptarëve 8 kg marijuanë, teksa në vijim të hetimeve u zbulua dhe një objekt ku ishin kultivuar qindra bimë narkotike kanabis sativa.

Dy nga të arrestuarit ishin rezidentë në Leipzig, ndërsa dy të tjerët në Rostock, teksa identiteti i tyre nuk bëhet me dije për arsye hetimore.

Gjatë kontrolleve, në banesat e 4 të arrestuarve policia gjeti dhe disa lloje të tjera drogash sintetike dhe një sasi të konsiderueshme parash që dyshohet të jetë përfituar nga ky aktivitet i jashtëligjshëm.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni