Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 10%
  • Kujdesi familjar 80%
  • Ndikimi i shoqërisë 10%

Presidenti dekreton emërimin e Adea Pirdenit në detyrën e Ministrinë për Administratën Publike dhe Antikorrupsionin

Nga A2 CNN
15 Janar 2024, 11:40 | Politikë

Presidenti dekreton emërimin e Adea Pirdenit në detyrën e

Presidenti i Republikës Bajram Begaj, me propozim të kryeministrit Edi Rama, dekretoi emërimin e zonjës Adea Pirdeni në detyrën e Ministrit të Shtetit për Administratën Publike dhe Antikorrupsionin.

Katër ditë më parë, kreu i qeverisë njoftoi se ka shtuar Ministrinë e Shtetit për Administratën Publike dhe Antikorrupsionin e në krye të saj ka emëruar Adea Pirdenin.

Ky ndryshim sipas Ramës, vjen në kushtet kur Shqipëria po punon për kapitujt e negociatave për anëtarësim me Bashkimin Europian, të cilat kërkojnë një qasje të re ndaj administratës publike.

“Për ta nxitur këtë qasje të re dhe adresuar sfidat e mësipërme, do t’i dërgoj Presidentit të Republikës propozimin për miratimin e një tjetër anëtari të ri të kabinetit qeveritar, si Ministër i Shtetit për Administratën Publike dhe Antikorrupsionin. Këtë detyrë do ta kryejë zonja Adea Pirdeni, e cila ka kryer tre vjetët e fundit rolin e zv.ministres së drejtësisë dhe ka spikatur me lidershipin e me profesionalizmin e saj në rolin e zv.kryenegociatores me Bashkimin Europian, si edhe në mbulimin e kapitullit madhor të Gjyqësorit e të Drejtave Themelore”, tha Rama.

A2 CNN Livestream

Ditari nga Bruna Çifligu