Futbollistja fituese e medaljes së bronztë me Anglinë, Gemma Wiseman ka vdekur tragjikisht, vetëm pak ditë para Krishtlindjeve.
Gemma ndihmoi Mbretërinë e Bashkuar të renditej në vendin e tretë në Kupën e Botës për Futbollin e sportisteve që nuk dëgjojnë në Itali në vitin 2016, dhe mediat angleze thanë se trupi i saj u gjet më 16 dhjetor në një pyll pranë Norwich.
Ajo la pas gruan e saj Lora, gjithashtu futbolliste, dhe një vajzë trevjeçare.
“Më 16 dhjetor 2023, për fat të keq, Gemma ndëroi jetë. Familja dhe miqtë e saj u shkatërruan plotësisht. Ajo ishte një grua e sjellshme dhe e kujdesshme me një sens të madh humori. Kudo që shkonte, ajo sillte të qeshura dhe energji me vete dhe miqësohej lehtësisht me këdo që kishte fatin ta takonte”, thuhet në deklaratën zyrtare për ngjarjen.
Edhe pse punonte si asistente shkolle, Wiseman ende luante futboll për një numër klubesh lokale.
Gjithashtu, mediat britanike theksojnë se hetimi për vdekjen e saj dhe përcaktimi i shkakut zyrtar do të zbardhet në korrik të vitit të ardhshëm. (A2 Televizion)
A2 CNN Livestream
MUND TE LEXONI GJITHASHTU
