Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 11%
  • Kujdesi familjar 84%
  • Ndikimi i shoqërisë 5%

Inter luan në Lisbonë për kreun e grupit, Real pret Napolin

Nga A2 CNN
29 Nëntor 2023, 10:20 | Futboll

Inter luan në Lisbonë për kreun e grupit, Real pret Napolin
Emocionet e Champions League do të na shoqërojnë dhe këtë të mërkurë. Inter e ka siguruar kalimin më tej, por kërkon ta mbyllë grupin si kryesuese dhe për këtë duhet të mundë Benfikën që në këtë fazë grupesh nuk ka grumbulluar asnjë pikë.

Zikaltërit vijnë pa 3 lojtarë të rëndësishëm si Bastonin, Pavard dhe Dumfris, ndërsa portugezët luajnë me formacionin më të mirë.

Në anën tjetër për fitore luan dhe Sociedad që përballet me Salzburg në shtëpi. Spanjollët janë të kualifikuar, por synimi tani është ta mbyllin të parët. 

Ndeshje e bukur dhe shumë interesante është dhe ajo mes Real Madrid e Napolit. Dy ekipe e kanë siguruar kualifikimin më tej, por madrilenët kërkojnë ta mbyllin grupin me pikë të plota dhe të bëjnë detyrën dhe këto dy ndeshje të fundit. Courtois Militão, Tsuameni, Camavinga, Vinícius Júnior, Modrić nuk do të jenë në dispozicion të spanjollëve, ndërsa kampionët e Italisë vijnë pa Mário Rui dhe Olivera.

Në grupin A, llogaritë e kualifikimit për skuadrën e dytë janë ende të hapura. Manchester United kërkon me detyrim fitoren ndaj Gallatasarajt nëse do të shpresojë deri në fund për një biletë më tej. Ndërkohë në ndeshjen tjetër Bayern që e ka siguruar kualifikimin, përballet në Alianz Arena me Kopenhagen.  

Edhe grupi B, nuk ka zyrtarizuar ende skuadrët e kualifikuara. Arsenal sot ka mundësi të sigurojë një biletë për më tej. Topçinjtë përballen me Lens në shtëpi dhe rast të një suksesi e mbyllin grupin si kryesues.

Ndërkohë Sevilla luan me PSV Eindhoven për të mbajtur gjallë shpresat e kualifikimit. 

A2 CNN Livestream

Ditari nga Erion Dushi