Blinken viziton dhomat e torturave ruse në Ukrainë

Nga A2 CNN
8 Shtator 2023, 11:30 | A2 CNN në Ukrainë
Blinken viziton dhomat e torturave ruse në Ukrainë

Në ditën e dytë të vizitës së tij në Ukrainë, Sekretari Amerikan i Shtetit, Antony Blinken, vizitoi një ish-shkollë fillore në Yahidne, ku në fillim të luftës, trupat ruse mbanin të arrestuar dhe torturonin të burgosurit ukrainas.

Zyrtari i lartë amerikan u informua për krimet e rënda ndaj civilëve të pafajshëm dhe kostot e tmerrshme njerëzore që ka shkaktura agresioni rus në Ukrainë.

Pas vizitë, sekretari Blinken tha se ajo që kishte ndodhur në këtë shkollë, ishte vetëm një tjetër shembull i mizorive të forcave ruse.

Në ditën e parë të vizitës së tij në Ukrainë, sekretari Blinken prezantoi paketën e re të ndihmës ushtarake, e cila arrin në vlerën 1 miliard dollarë dhe që parashikon mes të tjerash dhe dërgimin e municioneve me uranium të varfëruar.

Blinken përsëriti qëndrimin se administrata e Presidentit Biden do të sigurojë vazhdimin e përkrahjes së Uashingtonit për Kievin.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Erion Dushi