Sondazh: A ju shqetëson lënia në harresë e Bibliotekës Kombëtare?
  • Po 100%
  • Jo 0%
  • Nuk më intereson 0%

E paskeni bërë gabim deri më tani? Radha e produkteve të fytyrës, që të keni më shumë efekt

Nga A2 CNN
20 Shtator 2023, 12:07 | Lifestyle
E paskeni bërë gabim deri më tani? Radha e produkteve të

Sot le të vendosim në rregull rutinën tonë të kujdesit të lëkurës. E vërteta është se ka shumë hapa dhe produkte që ju zgjidhni të ndiqni në varësi të nevojave të lëkurës tuaj. Mirëpo ka një radhë që i bën ato më efektive.

Nëse nuk përdorni një nga produktet, thjesht kaloni në fazën tjetër.

Pastrues i fytyrës
Thënë troç, asnjë produkt nuk mund të funksionojë nëse lëkura nuk është e pastër. Zgjidhni një pastrues fytyre që i përshtatet llojit të lëkurës suaj.

Toner
Është produkti që plotëson pastruesin dhe largon edhe gjurmën më të vogël të yndyrës. Në rast se përdorni serum, sigurohuni që lëkura të jetë e thatë, në të kundërt lëreni lagështinë në fytyrë.

Krem për sytë
Për shkak se lëkura rreth zonës së syve është më e ndjeshme se pjesa tjetër e fytyrës, kërkohet përdorimi i një produkti specifik. Përsëri, zgjidhni produktin bazuar në llojin e lëkurës tuaj.

Serumi
Mendoni për serumin si një trajtim të specializuar për nevojat specifike të lëkurës suaj, duke ndihmuar me tharjen e saj dhe madje edhe aknet.

Këshillë shtesë: Gjatë natës është mirë të përdorni një serum me retinol për të ndihmuar lëkurën të rigjenerohet ndërsa flini.

Hidratues
Ndoshta hapi më i rëndësishëm është aplikimi i kremit hidratues, i cili jo vetëm hidraton lëkurën, por edhe vulos përbërësit e produkteve të mëparshme.

Krem kundër diellit
Një produkt që i mungon shumë femrave, sidomos në dimër. Jo, nuk keni nevojë të përdorni krem ​​kundër diellit para gjumit, por duhet ta konsideroni atë një domosdoshmëri në mëngjes dhe hapin e fundit në rutinën tuaj të kujdesit të lëkurës gjatë ditës për të mbrojtur kundër dëmtimit UV, i cili është vërtetuar se rrit procesin e plakjes dhe madje mund të çojnë në kancer të lëkurës.

A2 CNN Livestream

Ditari nga Denisa Pasholli