Sondazh: Sa prezent është aktiviteti fizik në përditshmërinë tuaj?
  • Çdo ditë 43%
  • Tre herë në javë 21%
  • Vetëm në fundjavë 7%
  • Asnjëherë 29%

15 viktima dhe 40 të plagosur nga tërmeti me magnitudë 6.3 në Afganistan

Nga A2 CNN
7 Tetor 2023, 11:33 | Bota
15 viktima dhe 40 të plagosur nga tërmeti me magnitudë 6.3

Të paktën 15 njerëz humbën jetën dhe 40 u plagosën nga tërmeti me magnitudë 6.3 që godit Afganistanin perëndimor të shtunën në mëngjes.

Sipas zëdhënësit të ministrisë së së menaxhimit të fatkeqësive në Afganistan, shifrat bazohen në raportet parësore nga distrikti Zinda Jan i provincës Herat.

Videot e postuara në mediat sociale treguan qindra njerëz në rrugë jashtë shtëpive dhe zyrave të tyre në qytetin e Heratit.

Një prej banorëve tregoi tmerrin që ai dhe familja e tij ndjenë nga lëkundjet.

“Unë dhe familja ime ishim brenda shtëpisë sonë, e ndjeva tërmetin, familja filloi të bërtiste dhe vrapoi jashtë, kishte frikë të kthehej brenda. Të gjithë njerëzit janë jashtë shtëpive të tyre. Shtëpitë, zyrat dhe dyqanet janë të gjitha bosh dhe ka frikë për tërmete të tjera”, tha Abdul Shakor Samadi.

Në vitin 2002, rreth 1000 njerëz u vranë në Afganistanin verior nga një tërmet me magnitudë 6.1.

A2 CNN Livestream

A2 Business