Sondazh: Si e vlerësoni terapinë në çift?
  • E kam provuar, e dobishme 25%
  • E padobishme 0%
  • S' e di,nuk e kam provuar 75%

Putin: Krijimi i shtetit palestinez është domosdoshmëri

Nga A2 CNN
10 Tetor 2023, 16:39 | Bota
Putin: Krijimi i shtetit palestinez është domosdoshmëri

Njësoj si ministri i tij i jashtëm, edhe presidenti rus, Vladimir Putin sheh krijimin e shtetit palestinez, si të vetmen alternativë për të ulur tensionet në Lindjen e Mesme, të cilat tashmë kanë arritur kulmin.

“Shtetet e Bashkuara bëjnë presion te të dyja palët, por gjithnjë pa llogaritur interesat themelore të popullit palestinez”, u shpreh Putin gjatë takimit me kryeministrin irakian, Mohammed Shia al-Sudani.

“Unë i referohem para së gjithash nevojës për të zbatuar vendimet e Këshillit të Sigurimit të OKB-së për krijimin e një shteti sovran dhe të pavarur palestinez”, shtoi ai.

Izraeli, tashmë ka marrë kontrollin e kufirit me Gazën dhe pritet nga momenti në moment për të nisur një sulm hakmarrës ndaj Hamasit, dhe sipas raportimeve më shumë se 35 batalione janë dislokuar në këtë operacion.

Gaza, ndërkohë po rrezikon një krizë të vërtetë humanitare, pasi Izraeli ka ndërprerë prej së shtunës furnizimin me ujë, energji dhe medikamente mjekësore.

A2 CNN Livestream

Debat - nga Alba Alishani