Sondazh: Nëse i afërmi juaj e ka ditëlindjen në 29 shkurt, kur e uroni?
  • 28 shkurt 27%
  • 1 mars 45%
  • Nuk e uroj 27%

Arrestohet me urdhër të SPAK, Jamarbër Malltezi

Nga A2 CNN
22 Tetor 2023, 07:22 | Kronikë
Arrestohet me urdhër të SPAK, Jamarbër Malltezi

Është arrestuar me urdhër me SPAK, dhëndri i ish-kryeministrit Sali Berisha.

Mësohet se Malltezi është vënë në pranga në Aeroportin “Nënë Tereza” teksa priste bashkëshorten. Urdhër arresti është lëshuar për llogari të hetimit të Strukturës së Posaçme mbi privatizimin e ish-kompleksit Partizani.

Me vendim të Gjykatës së Posaçme, masë sigurie është vendosur edhe për Sali Berishën. Me kërkesë të SPAK, për Berishën është caktuar masa “detyrim për paraqitje” dhe “ndalim i daljes jashtë vendit”.

Po ashtu, me kërkesë të SPAK për të njëjtën çështje, është caktuar edhe masa e sigurisë detyrim paraqitje për biznesmenin e ndërtimeve dhe bashkëpronarin e kompleksit, Fatmir Bekteshi.

Ndërkohë, më herët gjatë mbrëmjes së sotme, zyra e shtypit të “Rithemelimit” bëri të ditur se kreu, Sali Berisha do të dalë në një konferencë për mediat në orën 21:00.

Kujtojmë se nëntor 2020, Taulant Balla, në cilësinë e Grupit Parlamentar të Partisë Socialiste, ka kallëzuar Malltezin, ish-ministrin e mbrojtjes Arben Imami, si dhe anëtarë të tjerë të Këshillit të Ministrave të qeverisë Berisha 2005-2013 për tjetërsimin e pronës shtetërore të klubit Sportiv “Partizani”.

A2 CNN Livestream

Ditari nga Denisa Pasholli