Forcat e sigurimit të Mjanmarit qëlluan për vdekje një vajzë 7-vjeçare në qytetin Mandalay të martën, viktima më e re e protestave që kanë përfshirë këtë vend.
E mitura u vra në shtëpinë e saj gjatë një sulmi ushtarak, sipas grupit të avokatisë, Shoqata e Ndihmës për të Burgosurit Politikë (AAPP) dhe agjencia e lajmeve Reuters.
Duke cituar të afërmit, media lokale e lajmeve "Myanmar" njoftoi se vajza, e quajtur Khin Myo Chit, u qëllua ndërsa ishte ulur në prehrin e babait të saj, pasi forcat e sigurimit goditën derën në shtëpinë e familjes.
Organizata “Save the Children” thotë se mbi 20 fëmijë janë në mesin e viktimave në protesta.
Vrasja e pamëshirshme e një fëmije në krahët e babait të saj i përshtatet një modeli abuziv të dhunës vdekjeprurëse nga forcat e sigurisë që kanë në shënjestër jo vetëm protestues të paarmatosur dhe kundërshtarë të grushtit të shtetit, por edhe kalimtarë, civilë dhe fëmijë.
Pavarësisht rreziqeve dhe dhjetëra vdekjeve, qindra mijëra njerëz në të gjithë vendin vazhdojnë të protestojnë dhe të marrin pjesë në një lëvizje të mosbindjes civile. Mjanmari është përfshirë nga trazirat pasi ushtria ka marrë pushtetin, më 1 shkurt. (A2 Televizion)
A2 CNN Livestream
MUND TE LEXONI GJITHASHTU
