Buzëqeshja 850 mijë dollarëshe e Kanye West

Nga A2 CNN
18 Janar 2024, 11:40 | Showbiz

Sjellja e çuditshme e reperit kontrovers Kanye West vazhdon të befasojë publikun.

Pas paraqitjeve jo fort të hijshme në qytezat italiane përkrah të dashurës Bianka Censori, tanimë Kanye ka “tronditur” rrjetin me dhëmbët e tij prej titani, që kushtojnë rreth 850,000 dollarë.

Reperi 46-vjeçar ka treguar me krenari buzëqeshjen e tij luksoze dhe të frikshme për disa, në një postim në Instagram. Ai madje e krahason veten me "Jaws", personazhin ikonë që u shfaq në dy filmat “The Spy Who Loved Me” dhe “Moonraker” të James Bond.

Një burim i Daily Mail ka zbuluar se protezat e Kanye West janë edhe më të shtrenjta se diamantet, dhe janë dizajnuar nga vetë muzikanti.

Edhe pse është raportuar se Kanye i hoqi të gjithë dhëmbët, duke i zëvendësuar me mbushje metalike, dentisti Thomas Connelly që vendosi implantet deklaroi se ka ende një protezë të plotë dhe të shëndetshme nën veshjen e titanit.

Duke folur për gazetën britanike, Dr. Connelly e përshkroi bashkëpunimin e tij me reperin si të këndshëm, duke theksuar se "martesa" midis vizionit të dizajnit të Kanye dhe shkencës dentare rezultoi në "një pamje të re epike".

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni