Sondazh: Të bëhesh i pasur në Shqipëri është:
  • E lehtë 9%
  • E vështirë 64%
  • E pamundur 27%

Astronomët zbulojnë një lloj të ri ylli të fshehur në qendër të galaktikës

Nga A2 CNN
30 Janar 2024, 18:22 | Teknologji

Astronomët zbulojnë një lloj të ri ylli të fshehur

Një studim i gjatë 10-vjeçar ka zbuluar një lloj të ri yjesh në hapësirë. Sipas CNN, astronomët vëzhguan yjet për herë të parë gjatë një sondazhi që përfshinte monitorimin e afro një miliard yjeve në rrezen infra të kuqe, e cila është e padukshme për syrin e njeriut.

Astronomët zbulojnë një lloj të ri ylli të fshehur

Qëllimi fillestar i ekipit ishte kërkimi i yjeve të porsalindur, të cilët janë të vështirë për tu zbuluar në dritën e dukshme, sepse ato janë të errësuar nga pluhuri dhe gazi në Rrugën e Qumështit. Por drita infra e kuqe mund të depërtojë përmes përqendrimeve të larta të pluhurit të galaktikës për të dalluar objekte të fshehura ose të zbehta.

Astronomët zbulojnë një lloj të ri ylli të fshehur

Philip Lucas, profesor i astrofizikës në Universitetin e Hertfordshire tha se dy të tretat e yjeve ishin të lehta për tu klasifikuar, pjesa tjetër ishte më e vështirë. Gjatë vëzhgimeve të tyre të yjeve pranë qendrës galaktike, ekipi identifikoi 21 yje të kuq që përjetuan ndryshime të pazakonta në shkëlqime që i hutuan astronomët.

Astronomët zbulojnë një lloj të ri ylli të fshehur

Dante Minniti, një profesor në departamentin e fizikës në Universitetin Andrés Bello në Kili dhe bashkautor në tre nga studimet tha në një deklaratë se këta yje rrinë të fshehur për vite ose dekada dhe më pas dalin në mënyrë krejtësisht të papritur.

A2 CNN Livestream

Dita jonë