Sondazh: Cilat janë faktorët më të rëndësishëm për zhvillimin e një fëmije?
  • Edukimi shkollor 6%
  • Kujdesi familjar 83%
  • Ndikimi i shoqërisë 11%

Arrestohen shqiptarët në Itali, vidhnin banesat dhe blinin drogë!

Nga A2 CNN
23 Tetor 2018, 22:51 | Kronikë

Policia italiane ka shkatërruar ditët e fundit një grup grabitësish, pjesa më e madhe shqiptarë, janë arrestuar nga karabinierët në Busto Arsizio, në provincën e Vareses, në Itali.

Ata akuzohen se janë autorë të disa grabitjeve në rajonin mes Milanos dhe Vareses. Mediat italiane bëjnë të ditur se me paratë e përfituara kryenin blerjen e lëndëve narkotike për ta rihedhur më pas në treg.

Policia italiane ka dokumentuar rreth 25 vjedhje banesash dhe biznesesh, ku preja e preferuar e grabitësve shqiptarë dhe jo vetëm, ishin bizhutë dhe sendet e tjera të çmuara.

“La Republica” shkruan se hetimet ndaj grupit kanë nisur në fillim të vitit 2016, pas një vjedhje të kryer në një kompani në Milano.

Nga operacioni i koduar “Lecke”, sipas mediave lokale italiane, është zbuluar se një pjesë e grupit zhvillonte biznes me anëtarë të krimit të organizuar shqiptar në Itali.

https://www.youtube.com/watch?v=vBZ4XUCyVKA

Policia i zbuloi personave të arrestuar edhe armë zjarri, drogë, por edhe disa shpata.

A2 CNN Livestream

Ditari nga Bruna Çifligu