Basha vijon takimet si kryetari i PD, ndalesa e radhës me drejtuesit politikë të Qarkut Durrës

Kryetari i rikonfirmuar i Partisë Demokratike zyrtare, Lulzim Basha, ka zhvilluar sot një takim me drejtuesit politikë të kësaj force politike në Qarkun e Durrësit.

Me anë të një postimi në rrjetet sociale, përbri fotove nga ky takim, Basha shkruan se modernizimi, hapja, përfshirja e sa më shumë të rinjve dhe të rejave, e intelektualëve dhe specialistëve të ndershëm është prioriteti i punës së tij.

“Me drejtuesit politikë të Qarkut të Durrësit nisëm punën për riorganizimin e Partisë Demokratike. Modernizimi, hapja, përfshirja e sa më shumë të rinjve dhe të rejave, e intelektualëve dhe specialistëve të ndershëm, janë prioriteti ynë për t’u dhënë shqiptarëve një alternativë që reflekton ambiciet e tyre për një ndryshim të vërtetë.” (A2 Televizion)

Lulzim Basha në Facebook