Sondazh: Cilat janë aktivitetet tuaja gjatë fundjavës?
  • Sport 13%
  • Me miqtë dhe familjen 53%
  • Rri në shtëpi 33%

“Bateria e drogës”, kapen 4 kg kokainë në Gjirokastër

Nga A2 CNN
31 Tetor 2018, 08:46 | Kronikë

Një sasi e konsiderueshme kokaine është sekuestruar nga policia në pikën kufitare të Kakavijës në Gjirokastër, ndërsa mësohet se në pranga është vënë një person si posedues i lëndës narkotike.

Policia ka bërë të ditur se bëhet fjalë 3.545 kilogramë kokainë të zbuluar në një makinës. Kokaina është zbuluar në një makinë Mercedes Benz, me ngjyrë të zezë që drejtohej nga një 46-vjeçar, i identifikuar si Selim Lazaj, banues në Patos të Fierit.

Kokaina është gjetur e fshehur në baterinë e automjetit, aty ku u gjetën dy pako të fshehura me drogë. Nëse droga do trafikohej, vlera e saj në treg mund të shkonte deri në 400 mijë euro.

https://www.facebook.com/1502420603377639/videos/267535663828142/

“Në vijim të kontrolleve të vazhdueshme për goditjen e veprimtarisë kriminale të trafiqeve te paligjshme në fushën e krimeve ndërkufitare, nga ana e punonjësve të Policisë Kufitare Kakavije, u përzgjodh për kontroll të detajuar në vijën e dytë automjeti i markës ‘Mercedes Benz’, me targa AA216TF, me drejtues shtetasin Selim Lazaj, vjeç 46, banues në Patos, Fier. Gjatë kontrollit të detajuar në bashkëpunim me shërbimet doganore, duke përdorur edhe skanerin, u konstatua se në baterinë e automjetit, gjendeshin të fshehura dy pako të mbështjella me natriban të dyshuara me lëndë narkotike të llojit Kokainë”, thuhet në njoftimin e policisë.

A2 CNN Livestream

Debat - nga Alba Alishani