Binjaket shpenzojnë 180,000 euro me operacione plastike, për t'u dukur si Barbie

Nga A2 CNN
15 Gusht 2023, 09:05 | Showbiz

Dy motra binjake nga Stockton-on-Tees e Britanisë së Madhe kanë shpenzuar rreth 186 mijë euro për të realizuar dhjetëra operacione plastike për tu dukur si Barbie të vërteta.

Dolly dhe Daisy Simpson, 26 vjeç, janë krejtësisht ndryshe nga çfarë kanë qenë në adoleshencë pasi nisën të përdorin fillimisht fillerat në moshën 18-vjeçare dhe për herë të parë kaluan “nën thikë” në vitin 2020.

Dy biondet që nga ajo kohë i janë nënshtruar një sërë operacionesh duke përfshirë ndërhyrje në hundë, gjoks, apo labiaplastikë dhe një BBL.

Ato gjithashtu kanë ndjekur procedura kozmetike ku përfshihet mbushja e buzëve, mjekrës, faqeve, nofullës, hundës dhe barkut.

Binjaket kanë treguar për tabloidet britanike se ishin të fiksuara pas Barbit kur ishin fëmijë dhe kanë ëndërruar të shndërrohen në “kukullën” e tyre të dashur.

Dolly tha: “Para se të fillonim procedurat dhe operacionet tona, ne ishim mjaft të pasigurta për pamjen tonë. Gjithmonë na pëlqente pamja e vajzave bionde, me nxirje të mrekullueshme dhe gjoks të madh, që dukeshin si kukulla, dhe që atëherë ne kemi aspiruar të dukemi kështu”.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Ditari nga Loneta Progni