Defender Europe 2023, stërvitja ushtarake shumëkombëshe në Kosovë

Nga A2 CNN
22 Maj 2023, 09:29 | Kosova
Defender Europe 2023, stërvitja ushtarake shumëkombëshe në

Të dielën në Prishtinë u mbajt ceremonia hapëse e stërvitjes së përbashkët ushtarake shumëkombëshe “Defender Europe 23”, e cila drejtohet nga komanda për Evropë e Ushtrisë së Shteteve të Bashkuara të Amerikës.

Kosova do të jetë për të dytën herë pritëse e stërvitjes që vlerësohet si më e madhja ndërkombëtare në rajonin e Ballkanit dhe që synon të zhvillojë gatishmërinë dhe ndërveprimin mes Shteteve të Bashkuara dhe partnerëve e aleatëve të NATO-s.

Ambasadori amerikan në Prishtinë, Jeff Hovenier, tha të dielën se “Defender Europe 23” është një stërvitje posaçërisht e rëndësishme tani kur ka një agresion të pajustifikueshëm rus në Ukrainë. 

Ambasadori amerikan vlerësoi lart bashkëpunimin e Forcës së Sigurisë së Kosovës, e cila tha se ka shënuar përparim përmbajtësor vitet e fundit.

Sakaq, udhëheqësit në Kosovë thanë se kjo stërvitje është simbol i vendosmërisë së vendit për ta ruajtur paqen në botë dhe i përkushtimit të palëkundur për të qenë pjesë e sistemit të përbashkët të mbrojtjes të vendeve demokratike.

Do të informohesh i pari?
Shkarko aplikacionin tonë:
Android ~ iOS

A2 CNN Livestream

Debat nga Alba Alishani