E akuzoi se është shitur te Rama, Alibeaj-Berishës: Nuk jam si Xeni, që paguhet për gjithçka

Nga A2 CNN
18 Maj 2023, 14:45 | Politikë
E akuzoi se është shitur te Rama, Alibeaj-Berishës: Nuk jam si

Sali Berisha e akuzoi se është shitur për 220 mijë euro te kryeministri Edi Rama, mirëpo përballë një akuze kaq të fortë, nuk ka munguar përgjigjja e Enkelejd Alibeaj. Kundërpërgjigjja e tij ka qenë po aq e fortë, duke i përmendur djalin e tij, Shkëlzen Berishën. Sipas ish-kryedemokratit, ai nuk është me parime si Xeni (djali i Berishës) që paguhet për gjithçka.

Alibeaj thotë se dorëheqja e tij është në të mirë të demokratëve, e ndërsa vuri theksin se largimi i Berishës është çlirim dhe frymëmarrje për ta.

“Pasi u bojkotua masivisht nga demokratët dhe shqiptarët, Sali Berisha, vazhdon të hedhë llum dhe baltë si e vetmja mënyrë për t’i mbijetuar katastrofës së vet elektorale. I përjashtuari i madh nga politika, me 103 mijë vota demokratësh kundër tij e me 200 mijë të tjerë që e refuzuan dëshmoi qartë kush i ka shërbyer kujt!

Edi Ramës i duhet Sali Berisha dhe soji e sorollopi i tij i korruptuar për të justifikuar korrupsionin ku është zhytur ai dhe qeveria e tij.

Unë nuk kam qenë kurrë e nuk jam me parimin e Xenit, për t’u paguar për gjithçka.

Sali, dorëheqja ime është akt që shkon për të mirën e demokratëve, largimi yt është çlirim dhe frymëmarrje për ta”, iu përgjigj Alibeaj.

https://a2news.com/2023/05/18/dy-persona-jane-te-larguar-perfundimisht-nga-pd-berisha-nje-prej-tyre-mori-220-mije-euro-nga-rama/

A2 CNN Livestream

Dita jonë 2024